Задать вопрос юристу

Епифаний Славинецкий (? — 1675)

Е. Славинецкий известен как опытный педагог-практик и теоретик воспитания. Окончив Киевскую братскую школу, продолжил обучение за границей (возможно, в Краковском университете). С 1642 по 1649 г. преподавал греческий и латинский языки в Киевской братской школе.
В 1649 г. был приглашен в Москву «для научения детей славянороссийского народа еллинской науке». Имея значительный педагогический опыт, Славинецкий хорошо понимал необходимость тесной связи между умственным, нравственным и физическим воспитанием, придавал большое значение воспитанию у детей глубокого уважения и гуманного отношения ко всем людям, соблюдению правил поведения как в семье, так и в общественных местах. Кроме непосредственной педагогической деятельности Е. Славинецкий разрабатывал и теоретические вопросы воспитания. Он автор «Краткого латино-славянского словаря», «Лексикона филологического», «Лексикона греко-славяно-латинского», «Рассуждения об учении греческому языку» и очень популярного в XVII в. сочинения «Гражданство обычаев детских» (содержит 164 правила поведения детей в семье, школе, на улице, со старшими и т. д.). Им были переведены на русский язык кроме религиозных и ряд научных сочинений — курс анатомии Андреаса Везалия, «Новый атлас» Блау, «Зерцало всей вселенной» (в нем Славинецкий выступил в защиту гелиоцентрической системы Николая Коперника) и др. Современники считали его «известным испытателем и искуснейшим рассудителем не токмо грамматики и риторики, но и философии и самые филологии». Гражданство обычаев детских На стяжание нравов сложены суть стиси, яко всяко детище по уме обноси. Добродетель мудрости плод бывает красный, яже иные плод родит всякий нрав изрядный. Кроме убо доброты мудрость есть прелестна, яко мгла и мрак и дым отнюде не полезен. Тща такова доброта всячески бывает, ея же благонравство не украшает. Хотяи же добронравство святых напыщати во правоповести их должнствует вницати. И благим имать мужем всегда ревновати и тако удоб оных благии нрав стяжати. И сыне благородие юноудобренный благих нравов стяжатель буди всеусердный. Отрини же от тебе всякий нрав безчестный да некако обыча и победит тя вредный. Иже светлую славу и честь помрачает, всю красоту и юность твою погубляет. Научися измлада добронравно жити и всеми имашися честно любен быти. Возрасти твою юность нравами благими да цветет твоя старость делами святыми. Еще чистоту тела тщательно пристяжи и кротость неразлучно всячески приложи. Да тако во мире сем пожив долголетно, блаженство получиши со святыми вечно. И бог возвеселится со агглы купно, егда будеши во веки зрети его умно. Аще видятся сии стихи малословны обаче великие пользы отнюдь полны во три на десять сплошнь кийждо сих сочленен по числу апостолов со хрестом сочинен. Сих учению себе измладенства вдавай и ко благонравию иных образе бывай. Нравонаказание стихами сложено, детей ко учению всячески потребно. Наказание давай и той непразднество сыну да поучается огнь делу благу выну. Иде же нравы благи нестежаваются, тамо зло обычности вогнеждаваются. Небо ползует мудрость златород славный, ниже уст добрословие и дом миру явный. Аще дивия зверя злые нрав тебе деет, аще житием скверным вся честь твоя тлеет. Потшися студ отврещится бесчествующии, получи же благии нрав вся почествующеи. И у всех славу многу и честь получиши и паче прочих нет шаливых ся почтити. Тогда и рождши тя возувеселятся, егда твоя доброты ближним появятся. И вси благонравно тя зрящии похвалят и бога добродавца во веки прославят. Часто паче же присно сия прочитавай И всех написанных зде никогда забывай*. 1. Вопрос: Чин наказания детского колико части имать? Ответ: Три наипаче, первая есть еже младому уму семя благо- чествия христианского пояти, вторая — еже учения свободная любити и их учитися, последняя — еже о первых жизни своея начатков благолепным обычаем обучатися. 2. В.: Что есть гражданство? О.: Есть обычаев добросклонность и человекопочитательство. * Выделенное полужирным шрифтом в первоисточнике написано киноварью. 3. В.: Почему знати то гражданство обычаев? О.: По уму добре умеренному. 4. В.: Ум же умеренный откуду знати? От.: От очес, от бровей, от чела вкратце рещи от лица и от всея телесе ипостаси. 5. В.: Каковы убо имут быти очи? О.: Не пониклы не оплазивы ни скоро обратны, не по оку зри- тельны, не велми отверьзены, не часто мизающии веждами, неза- смотряющиеся, не велми быстры, не помизающии и не глаголны: но приятны, стыдливы, покойны и чинны. 6. В.: Чесо ради тако тщательно попечение долженствуем иметь о очесех? О.: Понеже сие нам древнии мудрецы тако предаша зане во очесех есть седалище ума, по Плинию же очивни сосуда таковии видимую часть ума и вземлют и изпущают. 7. В.: Каковым убо бровем быти приличествует? О.: Правым, не повислым, не вынеслым, не спущенным над очи: гордости бо и превозношения в тех есть место. 8. В.: Каково имать быти чело? О.: Весело и равно, не морщаго, недвижно, не жестоко, тамо бо есть умаглаголание молчащее. 9. В.: Подобает ли убо лице рукою отирати, егда кто имать что глаголати или творити у незнаемых? О.: Тумии, егда имяще глаголати, яко Плутарх свидетельствует, левою рукою по лицу протирашеся обаче сей обычай заедин некий вред глаголания вменяет. Квинтилиан глаголет, гаждаемы бывают в глаголании сия вещи еже по стенам или на кров зрети чело потирати и прочая. 10. В.: Каковы имут быти ноздри? О.: Чисты и от всякого умножения скверн гноя и смарков свободны. 11. В.: Достоит ли таковою или одеждою нос утирати? О.: Ни, но паче платенцам и то отвратяся мало на страну, егда бывают людие честнии зане еже шапкою нос утирати, поселянско есть: а еже в рукав или во одежду втирати сие есть селедников или самную рыбу продающих и всегда в росолё или слатине руками рыющих иже по нужди имут рукавом нос утирати. 12. В.: Подоблет ли одежду флегмою из носа умазати? О.: Ни, но обтерти нос двема персты и возгрю на землю поврещи отвратяся от человек и абине ногою затиратй, да некому омерзение принесется. 13. В.: Пристоит ли убо носом сипети или храпети? О.: Никакоже занеже оно первое прилично есть роготрубящим и елефантом второе же приличествует яростным. 14. В.: Чесо ради недостоит гласом дышати? О.: Яко то есть знамение гнева и ярости. 15. В.: Кому пристоит носом мизати? О.: Кощунником, ругателем, а не детищем благородным. 16. В.: Что достоит творити, егда чхание случится? О.: Отвратити тело, и уста крестом святым назнаменати, бла- годарити поздравляющим: чхнения произвольно не повторяти, ниже гласа того удерживати его же естество подаде... 18. В.: Подобает ли убо от стыда лицем изменитися? О.: Мерно и во время устыдитися достоит, обаче не таковым стыдом иже бы имел замышления и забвение приносити. 19. В.: Како убо имать сей тяжкий стыд умерен быти? О.: Аще с честными людми часто будети пребывати и в строении позорищ обучатися будеши. 20. В.: Приличествует ли ланиты надымати или зело втиснены имети? О.: Ни, занеже первое свирелником прилично или оным одмила- нитом [им же приличествует греческое присловие гордый Максим], второе же отчаявающимся, или древа смотрящим, на нем же бы привязатися. 21. В.: Кий нрав имать быть уст? О.: Не имут быти стиснены, ниже зияющи, ниже подменны, но тако соединены, аки бы устами взаим купно целоватися. 22. В.: Кий отставливати устне и кий плескание некое творити обыкоша? О.: Сущии в возрасте овии силнии среди народа идущи и мнящии яко вся творити свободно есть. 23. В.: Кое приличество имать в зевании хранитися? О.: Аще не имати камо отвратитися или уступити платенцом или дланию усто закрыти и образом креста стало знаменатися подобает. 24. В.: Чесо ради егда един зевлет зевлет и ин яко и пословица от сего возрасте? О.: Зане яко естество некое произволение подобии имать тожде и страстей. 25. В.: Должнствуем ли всяким словесем и делом усмехатися? О.: Еже всему смеятися буих есть, еже паки ничему смеятися усумневшихся и тако убо всем, яко и во иных вещех всех, лучше златое посредство сохранити. 26. В.: Кии убо скверным словесем и делом обыкоша усмехатися? О.: Безчестнии иже от лица и из чела стыд отроша: честное же детище не будет смеятися тому и паче образ таков покажет, аки бы неразумети тому и скверных дел не видети. 27. В.: Подобает ли детищу от смеха полегати или трястися? О.: Ни, ибо честному детищу яко стыдно есть женским обычаем плакати, егда что болит. Тому подобие ради веселия безмерного от смеха порекати, или хохотати, нелепо есть. 28. В.: Пристоит ли от смеха ржати или ланиты сморщившу, и зубы явльшу, устне широко отверзати? О.: Не есть: зане оно первое посмешников есть и кощунов; второе же есть неистовых псов. 29. В.: Кому же приличествует глаголати оные словеса: от смеха едва не распадуся, едва не разсядуся, едва не умру? О.: Буим оным их же разум от страстей поглощен есть. 30. В.: Каковым убо лицем имамы веселие показати? О.: Таковым, дабы уст нам не опозоритися или воеже бы разуму не явитися безчинну. 31. В.: Что подоблет творити, егда случится нечто толико смешно, яко же от смеха не можно удержатися? О.: Точию сие гражданство будет, платенцом или рукою закрыти уста .и смеятися мерно, а не неискусно. 32. В.: Подоблет ли смеятися без некия достойныя вины? О.: Ни мало, но аще что таковое начнется вину смеха имать сказати, аще же не годна будет сказания, тогда нечто иное мыслив, приложити да возбранит кто, яко ты тому смеетися. 33. В.: Чесо ради над яствою согнутым языком усты облизывати? О.: Занеже сие гнусных людей нрав есть, а не добронравных и вящте псом и кошкам, неже честным детем пристойный. 34. В.: Имут ли убо сии людие гражданство и еже устне зубами пригрызати? О.: Ни, занеже сия вещь есть грозящего и гневающегося или скорбящего никого. 35ь В.: Чесо ради не пристойна есть вещь ругатися кому низвелев язык? О.: Занеже сие есть обыкновение глумников иже ни единого рассуждения имуще и стыде, ниже о достоинстве творят еже им возмнится тако якоже аще кто единощи будет кощунник никогда уже будет добрый домовит. 36. В.: В плевании дети что имут творити? О.: Тело отвратити да не огнусят кого ниже окропят посем аще что мокротного на землю выплюнут, должнствует ногою потерти да не кому от того мерзость приидет аще же сего сотворити не возможно, тогда лучше то в плат прияти. 37. В.: Чесо же ради сие негражданство имут за третиим словом плевати, яко неци обыкоша? О.: Зане сие обыкновение мерзко, от училища некоторых несмыс- ленных художников изиде; и поплевающим часто не по нужде, но от навыкновения и наприличествует пословица: еда дождь или роса. 38. В.: Чесо ради в глаголании часто кашляти не подобает? О.: Занеже сие обычай есть глаголателей иже глаголюще воспоминает себе, что впредь глаголати. 39. В.: Кому приличествует слину глотати? О.: Буим иже пса вращающегося на блевотину или свинию в кале подражают. 40. В.: Чесо ради подобает нравом неких человек за третим словом рыгати? О.: Сего ради, зане же сия вещь есть гнусна, ей же аще кто измлада навыкнет, обычеи держатися человека и на старость. 41. В.: В кашлении кая чистота имать быти хранима? О.: Да никому же во уста кашляем ниже глас не паче неже естество требует. 42. В.: Мерзостно ли есть блевание? О.: Зело мерзостно и гнусно, наипаче бывающее от пиянства. Но аще от немощи случается или по потребе естественной, яко ли во помоществующе блевание прощения есть достойно. 43. В.: Долженствуем ли радение имети от чистоте зубов? О.: Долженствуем яже аще закоснити будеши вреждение имети в зубах их же аще и огнь не сожигает обаче от заколения и тли- тельныя флегмы гниют и диравеют тем же убо на всякое утро чистою водою вымывай зубы не порохом [якоже творят жены] ниже тыя солию и квасцами натирами зане сие деснам вредно есть. 44. В.: Подобает ли ножем, или обрусом, или ногтями вычищати, что в зубах увязнет? О.: Накако, но паче переями птичиими, или костками из курячих голенен, или из рыб ребреными взятыми. 45. В.: Кая чистота имать быти главы? О.: Глава имать быти чиста, учесана, не засквернена гнидами или вшами, обаче лицевая чистота долженствует быти безуглаждения и украшения женского. 46. В.: Достоит ли накиждо час главу почесывати? О.: Ни, зане яко все тело ногтями чесати, паче же от имства, а не от потребы мерзостно есть, тако же де главу часто почесывати есть мерзко. 47. В.: Каковы долженствуют быти власы? О.: Не чрезмеру долги да не закрывают чела; по раменах да не разлагаются, но еже бы мощно тыя прилично назвати стриженыя или власы мужеския. 48. В.: Кому же подобает главою трясущ власы рястрясывати? О.: Конем баским ярящимся или язям одским ящерицами место власов трясущим. 49. В.: Кому мнится лепо быти, еже власы с чела наверх главы рукою поднимати? О.; Овчарем, долгие власы растящим, еще же людем сластнопитаю- щимся и неискусным от чреды епикуровы вепрям. 50. В.: Какова имать быти выя? О.: Не скривлена, ниже наклонена на правую и на левую страну: но як же и все тело долженствует быти мерно право. 51. В.: Кто навыче выю сляцати и согнувся ходити? О.: Не юноши умнии, но гнуснии иже от великого сна загнусели и от лености чело им наежися, иже яко трутнии между пчелами едва нечестивии дебелая чревеса за собою влекут. 52. В.: В какове мере рамена имут быти? О.: Во единой и равной мере не тако яко шегла у корабля не имать едино рамо подвышатися другое же снижатися. 53. В.: Чесо ради у детищ постава тела не имать быти презрена? О.: Да, негли за обыкновением в природу возвратившися не спо- зорит паче естества имства телесе зане паче держится нас оны нравии, имже детище навыкнет измлада, оттуду же возрасте сия... притча: вери моему слову долго пребывает, чесого конов новый огнем навревает. 54. В.: Подоблет ли убо в тыл руки закладати или под бока под- пи рати? О.: Ни, занеже едино сих приличествует гнусному и татю, второе же пристоит ставии ногу и напрасну человеку. 55. В.: Кая убо лепая и благообразная поставления телесе хвалима бывает? О.: Не тая, яже буим и прохладным дворским людем любима бывают, но яже естеству разуму прилична суть... О одеянии 69. В.: Долженствует ли быти прилежное радение о красоте одежд? О.: Долженствует понеже риза яко второе тело человеческого телесе есть, от нея же мысль человеческая знаменатися может. 70. В.: Может ли известный образ и покрой одежде описан быти? О.: Не может: понеже не всех человек едино есть довольство и достоинство и не у всех народов подобонравны суть приличности и неприличности: и не рассуждением един строи любится или не любится. 71. В.: Что убо творити о сицевых изменениях одежд? О.: Тако якоже не худый разум есть еже держетися оного полипа, рыбы морские изменяющися си есть по времени и по места и по обычаю сицевы и инаковы нравы имети, такожде убо и сие едино дворство будет угождати (яко греции глаголют) закону и стране и паче аще честность нравом не будет противна. 72. В.: Каково убо украшение приличествует отроку? О.: Нетщаливое пренебрежное, обыче с чистою точию не с женскою добре убо глаголет оная Федра у Овидия: не любим отроков, иже не стрижены, по женскии приглаживают власы окудрены, не излишнее охотным юношам украшение и мерно цветное отроком приличествуется одеяние. Индеже глаголет мужеска полу приличествует лепота пренебреженая. Что рече Сократ, егде узре и се един отрок хождаше украшен лицем не мужеским не стыдишися ли сего яко горши тебе желаеши, нежели естество хощет: сие тя сотвори мужа, ты же себе твориши жену. 73. В.: Кому приличествует долгие хвосты у одежд носите и за собою влачити? О.: Ни единому человеку понеже и жены и сем смеются и паче мужие сего не похваляют. 74. В.: Чесо ради мягкие одежды или шелковые мужем и женам яко порок некий вменяют? О.: Понеже некогда людем худейшим в блещащейся одежды и в шелковой ходати не подобате: сего ради глаголет Ювеналий сицевые одежды да не носит отсужденный чести человек. Тако убо понеже изряднейшее есть употребление одежд украсити тело и одеяти тыя части его яже срамно показуются очесем человеческим, сего ради добре на то належит, честных одежд употребляти яже бы никоея нечести телу не принесли. 75. В.: Кому приличествует одежды кратшия неже могущия наклоняющимся седалища покрыти? О.: Не детищам честным и благородным, но блудникам и пификам. 76. В.: Подоблет ли детищу вершу одежду на плеща рукава же висящыя на землю опустя ходити и кивая собою? О.: Никакоже, понеже сие обыкновение есть распоястных волно- делателей волну мыющих, а не детей благородных: им же подобает одежду в рукава вдевати, а не яко древнее позорище строивши долгие рукава за собою влачити. 77. В.: Кому достоит в разаных или шахматных одеждах ходити? О.: Ово приличествует несмысленным сие паки пификам и смехо- творцам. 78. В.: Гражданство ли убо сие егда ти родитилие соделают украшению одежду пьпцитися пред всяким, искривив очи на ся зрети? О.: Не есть занеже сие первое есть жен блудных и иных иже прочия о беде их поносят яве. Второе же оных бесчинных им же рози возрастота: и павлинов иже ошиб распростирают, тем же убо поелику большее богатство будет при тебе потолику смирение имать быти вящшее и любезнейшее... О беседе 82. В.: Что украшает беседу? О.: Умерение усердие, стыд и молчание. 83. В.: Како отрок стол устроити имать? О.: Скатерть белую постелет: сосудопоставку посреде положит, талери принесет, по левой стране талереи хлеб очищенный положит, поставит четыре хлеба на всяком углу стола по единому, солоницу поставит изрядную, лжицы и чаши чисто обмытыя в положении же сих вещей отчества свое нравы да подражают, кресла или скамии чинно да поставит, на всяком возглавие положив, рукомойник измыет, воды ко умовении рук да принесет... 85. В.: Чему должен научитися служаи трапезе? О.: Первое сему имать стояти право ногами и соединив тыя, зря да никому же что скудно будет, егда его почто послют скоро да возвратится, егда имать что налияти, подаяти или полагати, сие имать опасно творити, да не облиет кого чаши или стекляницы подая не в руце подаяти имать, но на столе ставляти имать собеседники, или пиршебники в беседу не вдаятися, егда его очесом воспросят кратко да отвещает за разными снедми, тарели имать переменяти, аще суть разные вина да не соединяет их при вечери, почасту имать очищати светилно угорящих свещ, егда же начнет очищати, подобает свещи с стола на страну снимати, не имать свещи загасити, егда же кому светит прежде, имать шествовати светилна, что уймет и то в песок втоптати или подошвою затерти, что с стола снидет не имать выпивати. 86. В.: Како требе есть стола собрати? О.: Едва не тем же обычаем яко и к столу готовити талери первее подобает сняти, по сем солило с солию, то сем сыр, овощи и прочая, Развитие педагогической мысли и просвещения в XIV — XVII вв. 321 яже во услаждение даются, последи же купно с хлебом имать сняти быти и скатерть. 87. В.: Что имать творити, егда его на пир зовут? О.: Не имать поздно приходити, но в час уреченный прити, не подобает с собою привести пса или гостя незваного, аще каковую печать имать на сердце да оставит тую, егда того вышшим местом почествят первое имать отрещися: аще же того принудят тогда честности звавшего да послушает и сядет точию, первее руце умыв и ногти обрезав. Нож да имать остры не таков иже бы вящше согнетал неже резал, не имать грабляти руками или ногами колысати, не имать стола или тарели резати или колоти, что на землю упадет, сего к устом не приносити, кусов зело великих не имати в согласно перстов не имать влапати, но елико потреба ножем взяти, аще же далече случится, подав тарел другого близ седящего просити, егда пиет, в чаши не имать поверху плавати тук или лои. 88. ВКия вещи при беседе людие имут себе зело безчестнии? О.: Части обеденыя обкуса иному подавати, корку с хлеба срезывати или средины выдолбывати, сыр тако резати даже будет яко серп или пила, накладти полное устопити или глати пишу сожваную из уста изимати и на тарелку полагати, замыслившуся седети, тато замыслитися яко бы вся твоя мысль на блюде была, очи обращающи зрети, что кто яст, на коего любо гостя долго засмотрятися, по ону сторониками смотрети, на кого на той же стране седящего иде же и ты, главу в тыл обративше позирати, что в другом столе деется, реще нечто таково, что бы добрую беседу тлило, вреждати славу заочно не сущих тамо, печало или жалость нечию обновляти; нади предпоставленыя гаждати гланное, что тамо или содеянное из дому выносити.
89. В.: Что в ядении имут людие бесчестно? О.: Толь много во усто свое купно накласти даже бы обема ланитами отдутися аки бы мехом кузнецким, кусы великие имати с пряными зелии ядущу, персты облизывати, одежду покапати, в ядении яко вепрю плюскати, усто на брак полно пити или глати кости яже могут ножем обратися, зубами огрызывати, кости или иные каковые остатки под стол метати, хлеб на персех резати, снедь или кости на тарелку положеныя паки взимати, хлеб окусам в уху омочати. 90. В.: При столе седящего где имут руки быти? О.: Обе имут на столе не купно на тарели и не на колене. 91. В.: Подобает ли единым локтем или обоим подпиратися на столе? О.: Нимало, понеже сие точию старым или немощным людем достоит и не зазрети мочно: некоторым прохладным дворским иже что ни творят, мнят себе быти прилично. 92. В.: Подобает ли у кого на пиршестве ядущу распоясыва- тися? О.: Никакоже, понеже сие знамение есть премерского обядения: и приличествует сие токмо оным иже суть яко некая пагулба, буря и пропасть корчемниц в них же снеди и сластная продаются. 93. В.: Кое убо приличество будет седящего? О.: У чесаную и откровеную главу имети и тело воединои мере просто не колебатися на лаве или на кресле не пребедати семо и овамо; не досаждати близ седящему; не ударяти локтем, ниже ногами седящего противо тебе. 94. В.: Подобает ли седети детищу за столом до конца трапезы? О.: Не имать ожидати на наядшуся елико потреба и понесшу свою талерь отити поблагодарив и поклонився гостем паче же между теми вящшему. 95. В.: Пристойно ли во единой горсти держати хлеб стиснен, второю же ломати; или часть годится ли от всюду перстами общи- пывати? О.: Понеже сие есть апитиовых наследников нежных, чем же убо любезный хлеб яко святая имать быти чинно ножем резан со страхом божиим почитан. 96. В.: Чесо ради хлеб егда от прилучая на землю упадет, поднемше любызаем? О.: Понеже хлеб есть святое знамене любви и мира, им же древни людие истинную любовь приобретаху оттуду, убо прощиде оно, еже поведа Пифагор, хлеба не разламывай. 97. В.: Достоит ли детищу обеде от пития начинати? ОНе достоит занеже сия вещь есть не точию нравом нечестна, но и здравию вредительна: сего ради имать быти оставлена пияницам, иже пиют не ради жажды, но яко сице во обычнаишася. 98. В.: Како убо имать быти детское тело напитано? О.: Без довольного обядения и лучше часто помалу, неже единощи много, дабы детище чрез меру не обядалося. 99. В.; Чесо ради излишнею снедию детское тело не имать быти паче меры питано? О.: Понеже (якоже глаголет Гелит) известно есть, яко дети ащи излишнего ядения и спания употребляти будут тупого смысла бывают: и того ради на скорое внятие дел приходит. 100. В.: Когда и елижды при трапезе пити подобает детищу? О.: Егда уже мало нечно снест за второю снедию печеною или сухою, а не абие после мяса или рыбы ушныя ниже после млека, а больше пити детищу при обеде неже единощи или по нужде трижды, дело есть не пристойно и не здраво, четвертое же питие, яко свидетельствует Анахарсис философ, есть неистовства первее же имамы стрещися еже пиюще не облитися и не излишно пити такожде пиюще не сапити яко кони и. 101. В.: Кая возмездия восприемлют во излишном питии пребывающий? О.: Зубы заржавелыя, ланиты обрюзглыя, очи помраченныя и вреждающиися, забвение разума, руки трясущияся, сны ужасныя, нощи мятежныя, вкратце рещи, старость прежде доволных лет. 102. В.: Кое убо питие летом детским приличнеише? О.: Еже бы веку доволну горящему вящше горячести не приум- Развитие педагогической мысли и просвещения в XIV — XVII вв. 323 ножило и [якоже глаголется] во еже бы маслу к пламени не при- лагатися и то питие или же упиваются не зол, убо есть квас или пиво легкое к тому добра есть и вода аще устроение небесе и страны, то попустит к сему же не горящее вино, но паче водою раство- реное. 103. В.: Что убо имать сотворита, егда тому из рядовыя чаши или чужия случится пити? О.: Прежде имать надо сожвати и во усте сущую первее имать поглотити, посем усто утиралкином или платенцом отрети. 104. В.: Что же убо в питии имут себе зело мерзостное и по- селянское? О.: На иныя косвенно очима взирати и выю яко журавль про- стирати, осмотряя аще, что остася на дне в сосуде, сие же приличествует оным оных же речеся сия пословица: журавля подносити. 105. В.: Егда кто чествует или принуждает к питию, что имать творити детище? О.: Принесшо ко устнам чашу мало, во усто прияти, аще же ему пити не хощется, притворится аки бы пил, аще бы кто невежда принуждал да отвещает ему исполню егда возрасту. 106. В.: Подобает ли руце простерти к ядем едва еще чинно седшу? О.: Не подобает зане сие дело есть волчее; и тех иже из горнца треножного или на ногах стоя изагохищают ядь еще не благословенную и яко скот некий бежал скорейше к снедем. 107. В.: Чесо ради яди поставленныя прежде инаго начинати не подобает неже ин кто? О.: Того ради да научишися воздержатися и не осмотрев прежде яди горячия во усто' да не возмеши и посем да не нуждатися будет из уста выплюнути; или воеже бы тебе смехом людским гортани твоея не обжети послежды же убо егдати простреши руку на блюдо. 108. В.: Что рече Сократ, егда вопрошаху того чесо ради из первыя чаши не пиеши? О.: Да не научюся страстем угождати поистине хитр ответ и достоин философа. 109. В.: Достоит ли перстами во ухе копысати и по всему блюду выбирати себе то, что рад кто ясти? О.: Не достоит, занеже оно поселянско есть сие же объядников и сего ради, что пред тобою лежит, возми или ножичком или вилками. 110. В.: Достоит ли по всему блюду руками рыти или наклоняти блюдо да стеклют к тебе яди вкуснейшия? О.: Никако же: понеже сей есть нрав людей невоздержных и чреву паче угождающих, нежели чести. 111. В.: Подобает ли прияти снедь, егда подается тебе? О.: Подобает: но токмо треми персты или талерь подает, обаче должнствует предварити, каково либо изглаголателство, посем же отрезов себе частицу, остаток отдати подобает подавшему или близ тебе седящему озделити. 112. В.: Како отрицатися оного, егда что таковое дается тебе его же стомах твои не приемлет? О.: Не имати глаголати с Клитифоном Терентиевым не могу оче, но честно благодари, аще принуждатися будет учреждаяй, тогда имати со стыдом отвещати или яко здравию твоему вредительна сия суть или яко уже вящше не требуеши. 113. В.: Како колач или пирог сковрадник или ино, что сим подобное приемлено имать быти. О.: Не перстами, но на тарелку или на ложку и с нея же по сем сложити на талерь. 114. В.: Что подобает творити, егда ты что редкое вкусити на ложце подастся? О.: Подаемое имати прияти купно и с ложкою, яже по сем утер скатертью паки отдаждь. 115. В.: Подобает ли туком умазаные персты или устами обли- зывати или о одежду утирати? О.: Ни, занеже лучше скатертию или ручником то творити. 116. В.: Аще приличествует целые кусы скоро глотати? О.: Ни, понеже сие дело приличное журавлем или Епикуром их же ереси бяше Филоксен еже здравие детское вреждает. 117. В.: Лепо ли есть, егда что отрежет служаи трапезе первее, неже подаст, руку простирати или талерь подавати? О.: Ни, понеже возленился бы ты приимати иному готовленое. 118. В.: Подобает ли нам измлада учитися расчленяти гуся, курицу, утку, ососа и иная? О.: Велми точию непаче меры тшетштельно инако бы разбирати подобает жаркую часть лопатчаную, инако удец, инако шию, инако ребра, инако петела, инако рявку, инако утру — Ювеналий глаголет сице много употребствует разумети о сем, како делати кокош или заяца посем. 119. В.: Како подобает ясти детищу яйце? ОПервое подобает хлеба долгими кусками нарезати; по сем скорлупу единем закроем вскрыти; сперещи же да нечто вытечет; по сем посолити; не подобает пити, неже обоняти ниже перстом или ногтями или язык вложив доставити, токмо ножем и скорлупы непокрушеныя на блюдо полагати. 120. В.: Где же должны полагаемы быти во время трапезы кости обеденыя или иныя обрезки? О.: Воедину страну талеркии или в сосуде уготованный на сие дабы или изряднаго помоста или накрытия столаваго не загнусити. 121. В.: Достоит ли помета ти, что от трапезы псом? О.: Псы убо гладати или ими тешитися при обеде знамение есть несмыслтева подобно сему и отчуждая трапезы кормити тыя есть подпущение к ненависти и нелюбви оттуду приходящия пристоит же сие токмо тым иже датливы бывают чуждим хлебом и из чуждыя кожи широкое ремены или поясы кроят. 122. В.: Како детищу подобает мясо ясти? О.; Первее мясо содрано изрежет: по сем хлеба придав будет неколико жвати, первее яже до желудка поглотит, занеже цело глота- ти и скоро ясти сие есть копателей и воров дело, а не благородных детищ. 123. В.: Киим приличествует талерку или блюдо на нем же сахар или ино что сладкое прилпе языком лизати? О.: Псом и кошкам, а не человеки быти себе знающим. 124. В.: Аще благолепно есть на каковом пиршестве безпрестании ясты или пити? О.: Не есть, ибо то обыкоша творити дел своих умерити не могущии тем же убо поселянским навыкши нравом чешутся, или в зубах колупают, или руками машут, или ножем играют, или кашляют, или харкают, или поплевывают; неведуще, яко благочестныя повести взаим и напремены поведаныя безпрестанное ядение преведати имут такожде слышание бесед людских сицеву тесность отяти может. 125. В.: Чесо ради не имамы первее отвещавати, дондеже докончит свою беседу глаголяи с тобою? О.: Воеже бы не отвещати ино что к слову непристоящее и тако вменени были быком вони, что с посмехом человеческим и имелось бы зде место оно присловие греческое аз просих отвеща от серпа ты же ми отрекл моты тем же убо и царь Соломон в притчах своих глаголет иже отвещает слову прежде, неже слышати буйство ему есть и понос. О нравах на сретении 126. В.: Что творити имать детище, аще кто е на пути чести достойный срящет? О.: С пути уступити, шапку честно сняти, аще же славный человек или достоинства яковаго будет имать, тому поклонитися. 127. В.: Приличествует ли детищу сице мысли в себе, егда с ким честным на пути сретится, к чему мне пригодится сей незнаемый [человек]? О.: Не приличествует, понеже сию честь не человеку, но богу воздаем, иже противу лицу стару востати повеле и началником или иереем сугубую честь воздаяти. 128. В.: Егда убо и язычники, идеже он гдьствует, должно есть чествовати? О.: Должно есть: ибо [яко святой Павел глаголет] мы должны есмы честь творити всем, им же должна творитися: в сих словесех заключается и язычников началство, и Петр святый глаголет, яко долженствуем быти послушни не точию благим господем, но и злым. 129. В.: Кому же долженствуем честь первую по бозе воздавати? О.: Родителем и учителем овым, яко на свет ны породиша и ради нас многия труды и скорби подяша, сим же, яко мысли наша изрядн- шую часть человеческую с великими трудами учат и чистят. 130. В.: Аще убо сие есть человеколюбие, еже сверстники своя взаим честию предваряти? О.: И зело есть, понеже Павел святый пиша учит, еже честию 326 Антология педагогической мысли народов СССР друг друга болше себе творите, аще бо равнаго или меншаго шапкою [яко глаголют] или честю предварим сим не будем последнешни, но паче добронравнши. 131. В.: Како беседовати детище с болшими? О.: Яко с равными, любезно и дружески глаголати имать, тако с болшими честно и кротко; титлу достоинства им приличную часто имать усугубляти; и не имать отити от них, дондеже отпущение возмет или от них будет отпущен. 132. В.: Пристоит ли книги или шапку под позухою держати? О.: Не приличествует, дабы еси не носил [яко Горати глаголет] связкии хартии под пазухою, яко поселянин ягняте или пияная баба клубков краденыя волны, но просто шапку в руках держати. 133. В.: В беседовании с людми, где очеса имут зрети? О.: На глаголющего с тобою имут зрети, яже имут быти приятныи и просты и от них же ничтоже гордое и нечестное да явится, такожде убо семо и овамо очесы обращати знамение есть легкомыслия, в землю же зрети есть знамение злыя совести; кривозрети есть знамение гнусающася некиим. 134. В.: Каковым названием кого имать сретати, егда с кем беседует? О.: Честным, аще же невесть титли сущия люди ученыя называти будет учителий, чести достойныя, люди славные незнаемыя будет называти, егда вся себе равная, называти имать братию и другии. 135. В.: Кия вещи в беседовании мерзки бывают? О.: Лице разными подобии [яко некоему протеусу] изменяти, нос смарщивати, чело навесити, брови подвышати, устне выставляти, уста разевати или сжимати, главою потрясла, власами трясти, без вины кашляти, покрякивати, главу почесывати, во ушесах угабляти, нос вытирати, по лицу потиратися, тыл у главы поглаживати, рамена расширяти, главы повертанием на нечто носоизваляти, кивнением главы втыл звати кого, краткоже глаголя поставою или киванием или некоим маанием с людми глаголати. 136. В.: В беседовании с людми кия вещи зело безчестны суть? О.: Раменами шагати, перстами пребирати, с ноги на ногу шата- тися, всем телом прекланятися, речь кому пресецати первее, неже совершит ю. 137. В.: Каков долженствует быти глас? О.: Приятный и тихи, некрикливы ниже понижен, даже бы ко ухе не дошел соглаголящему тебе. 138. В.: Каково имат быти глаголание? О.: Нескорое, дабы разума не предваряло, но протяжено и явственно и разделно, еже природное заикивание и повторение словес направляти обычей. 139. В.: Како детище (аще сего потреба случится) вещь какову, стыд или мерзость приносящую именовати имать? О.: Ону стыдливым окружением слова назнаменует, сию же, прощение взем, повеет. 140. В.: Еже аще хотел бы еси в умолчании или в потаении имети, кому имаши ввырити? О.: Никому: понеже смешно есть, еже надеятися от кого молчания, его же сам в себе удержати не могл еси... 142. В.: Что же наипаче дружество соединяет и приятство храните обыче? О.: Обучение доброты, единыя вещи хотети и не хотети, общее благоволение, нравы всех человек носити и терпети, самолюбия не имети, не возноситися выше иных, веры и знамения дружества древнаго не вредити, благодеяния всегда памятствовати, приятелю усердно служати и угождати. О обычаех во училищи и како слушати чтения 143. В.: Во училищи како должнствуют пребывати дети? О.: Должнствуют любити молчание и воздержание, никиим шептанием и беседами невежливыми пресецати чтения, стерещися должни, да не восприимут достойного наказания, егда будут наказуеми в должностях своих, гордо да не отвещавают и влекутся всякого возвышения и злобе словес или досады, облекутся же во остроумие охотное и податное ко учению, всегда прилежно ушесы готовыми да слушают проповеданому им усердно да внемлют, иже им учитель повесть да не препустят мимо ушес и еже услышат, яко некое сокровище. 144. В.: Что должен речи юноши многословному и неприлично велеглаголивому? О.: Не стыдитися ли (рече) из слоневых влагалищ меч свинцовый извлачати. 145. В.: Что должнствуют творити дети, егда из училища отпустятся? О.: Скоро в дом да спешат, не бегом потекут, яко усмошевцы спешащие на торжище; не должнствуют воплствовати, яко оный стентор; ниже мятеж некий творити, аки неистовствующии кони, егда взыгратися им, ниже паки бегати подобает яко скоту семо и овамо, аще что в дому повелится им творити, должна то усердно и без роптания творити и содеяти, ко учению же паки не чрез понуждение, но усердно да возвратятся. О игрании 146. В.: Что потребно во игрании честным? О.: Благая мысль и умерение, не лесть, не лежа, не упорство, еже сва^ы рождает, но мир — всякого блага мати. 147. В.: Чесо ради попущается играние? О.: Утешения ради и отрады смысла ученми тружденнаго, а не ради некоего приобретения. 148. В.: Что украшает играние? О.: Постоянство, честное веселие, борзость, крепость смысла, чинелюбовь, общая играти истинно и праведно ти, яко глаголют верно добротою и не кознию или ухищрением во игре тобе ждати. 149. В.: Кия игры заповеданны суть? О.: Всякое костырство, кости, карты, купание в воде. 150. В.: Кая же убо упражнения суть честная и детем приличная? О.: Кубар, мечик, кики, обучение телесе в труды, скоротечение, италийский мечик и нравыскакание различных скакати, яко коник или саранча травная, скакати обе нозе совокупив и на единой ноге и прочая. 151. В.: Кое же убо собственнейшее есть одоление? О.: Самого себе победити, сего ради зело вяще есть уклонитися упрямства, нежели победу взяти. 152. В.: Где наиначе познается естество или острота детская? О.: В игрании, понеже ему же летити, ему же лгати, ему же сва- ритися, гневатися, насилствовати, тщеславитися, кичитися естество есть приклонно; зде вред инаврение естественное является. 153. В.: Кия же вещи детские естны и во игре приличны суть? О.: С никим любопретися, егде же лучится прийти к свару из- валити, паче победитися, нежели венец одаления взяти, или возложи- тися на разсуждения людей, а что друг изобрящет, не быти противу тому никакова начинати мятежя, ниже воплыствовати, не кремалитися, никому же тщетны творити сего ради, брате, егда хощеши играти или ино что творити, помни словеса святого апостола Павла: всяка ярость и напыщение, и гнев, и вопль, и злословие то да отымется от вас со всякою злобою. 154. В.: Чим убо бывает игра утешней? О.: Егда с неумеющими играя, аще и можеши всегда побеждати, даси им времени победити тя, или, егда с хуждшим играя не паметуеши, яко честней еси онаго. 155. В.: Кия убо игры мусикии суть приличнешия? О.: Любите мусикию, сладкопение и игранием на органех всяких остроту ума обучати. 156. В.: Подобает ли детищем играющим ставити пенязи, пера, книжицы, завязки и прочая? О.: Много сие на дети, понеже сие к татбе окно отверзает и на злая дела обыче быти подущение нравом детским. 157. В.: Аще есть благочестно, еже у родителей украсти и гла- голати, яко не есть грех? О.: Зело злочестно есть, сего ради глаголет Соломон: хищай отца или матерь и мнит не грешити, сей общник есть мужеубийцам. 158. В.: О что убо дети играти будут? О.: Погубивый по совещанию да сотворит, еже повелит ему побе- дивый его: или храмину уметет, или на руце воды принесет, или стихи некия на памет прочтет, или по совещанию в лопянове венце походит, или ино что сицевое да сотворит. О ложи или ложнице 159. В.: Вечер пришед в ложницу или в спалную храмину, что долженствует творити отрок? О.: На святые молитвы да вдастся... и прежде, неже на очеса сладкий сон приимет, на память все дела и мысли яже сотвори во оный день. 160. В.: В начале что имать памятствовати отрок в ложнице своей? О.: Молчание, честность и стыд сих вещей и востая и ложася никогда же имать забывати, что егда будет ничто же не обычай, но ничтоже бесстыдно сотворит: ничтоже пред очесы человеческими обнажит еже обыкновение и естество сокровенно имети хощет. 161. В.: На ложи каковое приличество должнствует хранити детище? О.: Прежде, неже главу возложит на возглавие, чело и перси знамением креста стало знаменует... никогоже да огорчит своим многословием мирно да лежит превращающеся не имать себе обнажити и клеврета развлачающа одежды да не огорчевает. 162. В.: Како должнствует спати лещи отрок? О.: Не на нос, ниже взнак, но первее на правы бок да возляжет и руце крестообразно сложив да защищает перси знамением креста святаго, положив правую руку на левое рамо, левую же на правое. 163. В.: Что имать детище, егда порану востанет от ложа? О.: Молитвою день да начнет: ничто же прежде да творит, дондеже первее главу учешет, лице умыет и усто руками измыет и воспоет слава тебе боже наш, слава тебе... Заключение Имате дети упраждняющиися во учении гражданство обычаев на полезная (яко же мню) вопрошение собранное и сокращенное еще, аще вам угодно быти уразумею тако вознепшую яко доволны творец благодарение от вас приемлет аще не тако: обыче аз имам у себе за вещь известну яко точию едина воля благая еже благотворити есть прощения достойна [3, с. 33—57].
<< | >>
Источник: С.Д. Бабишин, Б. Н. Митюров. Антология педагогической мысли Древней Руси и Русского государства XIV — XVII вв. 1985

Еще по теме Епифаний Славинецкий (? — 1675):

  1. МНЕНИЕ СВ. ЕПИФАНИЯ
  2. Св. Епифаний Кипрский ПАНАРИОН ЕРЕСЬ 77. ПРОТИВ ДИМИТРИТОВ (АПОЛЛИНАРИАН)
  3. МНЕНИЯ «НОВОГО ЕПИФАНИЯ» ИЗ ВЕЛИКОБРИТАНСКОГО КЕМБРИДЖА И «НОВОГО ГЕЛЬВИДИЯ» ИЗ БАВАРСКОГО ЭРЛАНГЕНА
  4. МАРКЕЛЛ АНКИРСКИЙ
  5. Иностранная психология
  6. Приложение 2 СОДЕРЖАНИЕ ТОМОВ «ГРЕЧЕСКОЙ ПАТРОЛОГИИ» МИНЯ
  7. Глава IX
  8. Эбиониты (phibionites): освящение семенем
  9. ПРОИЗВЕДЕНИЯ ПЬЕРА БЕЙЛЯ
  10. ПРИМЕЧАНИЯ И КОММЕНТАРИИ10 1.
  11. ТЕМА 10 КРЕСТОВЫЕ ПОХОДЫ
  12. СВОБОДНЫЙ УМ ?
  13. Библиография
  14. § 1. Виникнення загальної теорії держави і права
  15. СПИНОЗА
  16. § 2. Святоотеческая письменность (патристика)
  17. Архитектура А.И.Венедиктов
  18. ИЗДАНИЯ И ПЕРЕВОДЫ НА РУССКИЙ ЯЗЫК ТВОРЕНИЙ СВЯТЫХ ОТЦОВ