2. Устав князя Ярослава ПРОСТРАННАЯ РЕДАКЦИЯ

Аще кто пошибаеть боярскую дочерь или боярскую жену, за сором ей 5 гривен золота, а митрополиту 5 гривен золота; а меньших бояр — гривна золота, а митрополиту — гривна золота; нарочитых людей — два рубля, а митрополиту два рубля; простым чадм — 12 гривен кун, а митрополиту 12 гривен, а князь казнителъ.
Аще же пустить боярин жену великых бояр, за сором ей 300 гривен, а митрополиту 5 гривен золота, а менших бояр гривна золота, а митрополиту гривна золота; а нарочитых людии 2 рубля, а митрополиту 2 рубля; простои чади 12 гривен, а митрополиту 12 гривен, а князь казнить.
Аще же девка блядеть или дитяти добудеть у отца, у матери или вдовою, обличивше, пояти ю в дом церковный.
Тако же и женка без своего мужа или при мужи дитяти добудетъ, да погубить, или в свиньи ввержетъ, или утопить, обличивши, пояти (и) дом церковный а чим ю паки род окупить.
Аже девка засядетъ великих бояр, митрополиту гривен золота, а менших бояр — гривна золота, а нарочитых людии — 12 гривен, а простои чади рубль.
Аже муж от жены блядеть, митрополиту нет кун, князь казнити.
Аже муж оженится иною женою, а с старою не роспустится, митрополиту вина, молодую поняти в дом церковны(и), а с старою жити.
10 .Аже поидеть жена от своего мужа за иныи муж или иметь блясгм от мужа, ту жену поняти в дом церковный, а новоженя в продажи митрополиту.
Аще будетъ жене лихыи недуг, или слепа, или долгая болезнь, про то еа не пустити.
Тако же и жене нелзе пустити мужа.
Аще кум с кумою блуд створить, митрополиту 12 гривен, а опитемии указание от бога.
Аще кто зажжеть гумно, или двор, или иное что, митрополиту 40 гривен, а опитемию подоимуть, а князь казнить.
Аще кто с сестрою блуд створить, митрополиту 40 гривен, а во опитемии указано по закону.
Аще ближний род поимется, митрополиту 40 гривен, а их разлучити, а опитемию приимуть.
Аще кто иметь две жены водити, митрополиту 20 гривен, а которая подлегла, тую пояти в дом церковный, а
первую жену держати по закону. Иметь ли лихо ею держати, казнью казнити.
Аще муж роспустится с женою по своей воли, а будетъ ли венчальная, и дадятъ митрополиту 12 гривен, будетъ ли невенчальная, митрополиту 6 гривен.
Аще жидовин или бесерменин будетъ с рускою, на иноязычницех митрополиту 50 гривен, а рускую поняти в дом церковный.
Аще кто блудить с черницею, митрополиту 40 гривен, а во опитемию вложити.
Аще ли кто с животиною блуд створить, митрополиту 12 гривен, а во опитемии и в казни.
Аще свекор с снохою блудить, митрополиту 40 гривен, а опитемию приимуть по закону.
Аще кто з двема сестрама в блуд впадеть, митрополиту 12 гривен.
Аще кто с падчерицею блудить, митрополиту 12
гривен.
Аще деверь с ятровию впадеть, митрополиту 12
гривен.
Аще кто с мачехою в блуд впадеть, митрополиту 12
гривен.
Аще два брата с единою женою, митрополиту 30 гривен, а женку поняти в дом церковный.
Аще отец с дочерию впадеть в блуд, митрополиту 40 гривен, а опитемию приимуть по закону.
Аще девка не въсхощеть замуж, то отец и мати силою дадятъ. А что девка учинить над собою, то отец и мати митрополиту в вине.
Аще кто зоветъ чюжую жену блядию, а будетъ боярьская жена великых бояр, за сором 5 гривен золота, а митрополиту 5 гривен золота, а князь казнить; а будетъ меньших бояр — 3 гривны золота, а митрополиту рубль; оже будетъ городскых людей — 3 гривны золота, а митрополиту рубль; селенце — 60 резан, а митрополиту 3 гривны.
Аще кто пострижеть кому голову или бороду, митрополиту 12 гривен, а князь казнить.
Аще муж иметь красти конопле или лен и всякое жито, митрополиту 12 гривен. Тако же и женка.
Аще муж крадетъ белыа порты, или портища, или полотны, и митрополиту 3 гривны, и тако же и женка.
Аще кто иметь красти сватебное и сгородное — все митрополиту.
Про девку сыр краявши, за сором ей 3 гривны, а что потеряно, тое заплатити, а митрополиту 6 гривен, а князь казнить.
Аще жена мужа крадетъ и обличите ю, митрополиту 3 гривны, а муж казнить ю, и про то не разлучити.
Аще кто клеть крадетъ, тако же творять.
Аще жена будетъ чародеица, наузница, или волхва, или зелейница, муж, доличив, казнить ю, а не лишиться.
Аще мужа два бьетася женьскы, любо одереть, любо укусить, митрополиту 12 гривен.
Аще жена бьеть мужа, митрополиту 3 гривны.
И жене две бьется, митрополиту 6 гривен на виноватой.
Аще который муж бьеть чюжюю жену, за сором ей по закону, а митрополиту 6 гривен.
Аще ли сын биеть отца или матерь, да казнятъ его волостелъскою казнию, а митрополиту в дом церковный таким отрок.
Иже чернець или черница впадеть в блуд, тех судити митрополиту.
45 .Тако же или поп, или попадиа, или проскурница, а впадутъ в блуд, тех судити митрополиту опроче миру, а въ что их осудить, волен.
46.

Аще поп, или черней, или черница упнеться без времени, митрополиту в вине.
47 .Аще кто что поганое съясть по своей воли, или кобылину, или медведину, или ино что отреченое, митрополиту в вине и в казни.
Иже поп дети крестить в чюжем уезде иного попа, нужа или при болезни, а что створить крешсньское не во своем уезде, митрополиту в вине.
С некрещеным, ни иноязычником, или от нашего языка будетъ с некрещеным, ведая ясть и пиеть, митрополиту в вине.
Аще кто с отлученым ясть и пиеть, да будетъ сам
отлучен.
Аще кто с бесерменкою или с жидовкою блуд створить, а не лишиться — церкви отлучиться и христьян, а митрополиту 12 гривен.
Аще черней, или черница (рос)стрижються, митрополиту 40.
А сими винами разлучити мужа с женою.
. А се первая вина. Услышитъ жена от иных людей, что думати на царя или на князя, а мужу своему не скажеть, а опосли обличиться — розлучити.
. А се вторая вина, оже муж застанеть свою жену с любодеем или учинить на ню послухы и исправу, разлучити.
. А се 3-я вина, аще подумаеть жена на своего мужа или зелием, или инеми людьми, или иметь что ведати мужа еа хотять убити, а мужу своему не скажетъ, а опосле объявиться, и разлучити и.
. А се 4-я вина, аще без мужня слова иметь с чюжи-ми людьми ходити, или пити, или ясти, или опроче мужа своего спати, потом объявиться, разлучити и.
. А се 5-я вина, оже иметь опроче мужа ходити по игрищам, или в дни, или в нощи, а не послушати иметь, розлучити и.
. А се 6-я вина, оже жена на мужа наведеть тати, велить покрасти, или сама покрадеть, или товар, или церковь покрадши, инем подаетъ, про то разлучити.
А что ся дееть в монастырьскых делех, в церковных, в самех монастырех, да не вступааеться князь, ни волостель, безатщина приидеть к волостелю митрополичю.
Аще кто устав мой и уставление мое порушить, или сынове мои, или внуци мои, или правнуци мои, или от рода моего кто, или от рода боярьскаго бояр моих, а вступять в суд митрополич, что есмь дал митрополиту церковный суды, епискупом, по правилом святых отец, судивше, казнити по закону.
56 .А хто иметь судити, станеть съ мною на страшнем суде пред богом, и да будетъ не нем клятва святых отец, иже в Никии и всех святых. Аминь.
Российское законодательство... С. 189—193.
Вопросы к Уставу:
Каковы доходы церкви?
Как обеспечивалась незиблимость судебного иммунитета духовенства?
Какие категории населения находились под патронатом церкви?
Какие судебные дела были отданы церкви?
Какими судебными полномочиями была наделена церковь?
Как был сформирован принцип взаимоотношения между светской властью и церковью?
Какие обязанности были возложены на церковь?
Сравните учтавы Владимира Святославовича и Ярославыа Владимировича, какие выводы вытекають из сравнения этих документов?

<< | >>

↑

Источник: Гапочка С.Н.. ДРЕВНЯЯ РУСЬ IX-XIII ВВ.Учебно - методическое пособие для студентов 1 курса исторического факультета ВГПУ. 2008

Еще по теме 2. Устав князя Ярослава ПРОСТРАННАЯ РЕДАКЦИЯ:

- Альтернативная история - Античная история - Архивоведение - Военная история - Всемирная история (учебники) - Деятели России - Деятели Украины - Древняя Русь - Историческая литература - Историческое краеведение - История Востока - История древнего мира - История Казахстана - История наук - История науки и техники - История России (учебники) - История России в начале XX века - История советской России (1917 - 1941 гг.) - История средних веков - История стран Азии и Африки - История стран Европы и Америки - История стран СНГ - История Украины (учебники) - История Франции - Методика преподавания истории - Научно-популярная история - Новая история России (вторая половина ХVI в. - 1917 г.) - Периодика по историческим дисциплинам - Публицистика - Современная российская история - Этнография и этнология -