2.1. УСТАВ ВЕЛИКОГО КНЯЗЯ ВСЕВОЛОДА

О церковных судех и о людех и о мерилах торговых
нареченный в святемь крещении Елена и матере Володимеровы, наре-ченнаго в святем крещении Василие, и ты егда прияле святое крещение от греческыих царей и от Фотия, патриарха цареградскааго, взяшя перваго митрополита Михаила Киеву, иже крести всю Русьскую землю.
Потом же, летом многым минувшемь м[о]ляся спасу и пречистеи его матери, святей богородици, приснодевеи Марии, устроишя церковь святую Богородицу Десятинную, и дашя еи десятину в всей Русской земле и с всих княжении, в съббэную церковь святыя' Богородица, иже в Киеве, и святей Софии киевьскои и святей Софии новгородской, и митрополитом киевъскыим и архиепископом новгородскыим, от всякого княжя суда десятую векшу, а ис торгу десятую неделю, а из домов на всякое лето и от всякого стада и от всякого жита десятое святому спасу и пречистеи его матере и премудрости божий святей Софии.
А се изъобретохом в греческом номоканоне, что сих судов и тяжь не судити князю, ни его детем, ни его наместником, ни его боляром, ни его тиуном, ни десят[и]ника не дръжати.
И съзвал есмь 10 сочких и старосту Болеслава и биряця Мирошку, и старосту Иваньскаго Васяту, и погадал есмь с владыкою и с своею княгынею и с своими боляры и с десятию сочьскыми и с старостами; дал есмь суд и мерила, иже на торгу, святей Богородици в Киеве и митрополиту, а в Новегороде святей Софии и епископу и старосте Иваньскому и всему Новугороду мерила торговаа, скалвы вощаныи, пуд медовый, и гривенку рублевую, и локоть Еваньскыи, и свои оброк кубець черницам, а попу Иваньскому рускаа пись с Борисоглебьскым напол, а сторожю Иваньскому рускои порочици пятно, да десять конюхов соли. А не въступатися в тыи об[р]окы моим детем, ни моим наместником, ни моим боляром на дом святии Софии и святого Ивана; а дом святей Софии владыкам строити с сочьскыми; а старостам и торговьцам, докладываа владыкы или кто будеть нашего рода князей Новагорода, строить дом святого Ивана.
А се приказываю своим наместником и тиуном: суда церковнаго не обидети, ни судити без владычня наместника. А се дах в олтарь святей Софии и причту церковьному вседеньник сенаник веньце; что суды церковный, то святей Софии. А кто нашего роду пограбить или отъиметь, того повелехом владыце
събором в сина-нице проклинати<...>
А тыи суды вси церкви даны суть епископу; а князю, и боляром, и судиям в ты ся суды не въступатися.

А то дал есмь по прьвых царев уряжению, и по вселенъскыих святых 7 съборов ве-
ликых святитель.
А по сем не въступатися детем моим, ни внучатам моим, ни всему роду моему до века в люди церковный, ни в вси суды их.
Аже кто преобидить нашь устав, таковым не прощеном быти от закона божиа и горе себе наследують, и мука вечнаа ждеть их.
А о всех, что преди писано, дръжах за своими боляры, аже они обидять гостей, а где живуть, тым наровять, а княжю дупло топять<...>
А се церковный люди: игумен, игумениа, поп, диякон, и дети их; а кто в крилосе: попадия, чернець, черница, проскурниця, паломник, свещегас, стороник, слепець, хромець, вдовиця, пущеник, задушьныи человек, изгои трои: попов сын грамоте не умееть, холоп из холопьства выкупится, купець одолжаеть; а се и четвертое изгойство и себе приложим, аще князь осиротееть; манастыреве, болници, гостинници, странноприимъници.
То люди церковный, богаделныи; или митрополит, или епископ,— тыи ведають между ими суд или обиду, или кому прика-жють. Или которого задниця, или будетъ иному человеку с тыми людми речь, ино обчии суд.
Своим тиуном приказываю суда церковнааго не обидети; а с суду давати 9 частей князю, а десятую святей Софии за княжю дупло.
А кто приобидить суды церковный, платити ему собою, а пред богом тому же отвещяти на страшном суде пред тмами ангел, идеже когождо дела не съкрыются, благаа же и злаа, идеже не поможеть никто же никому же, но токмо правда избавить от вто-рыя смерти и от вечныя мукы, и от огня негасимааго.
Якоже есмы у правиле по святых отец правилом, и по первых царей и князей уряжению. А кто иметь преступати сия правила: или дети мои, или внучята, или правнучята, или в коем городе наместник, или тиун, или судиа, или кто а пообидить суды церковный, да будуть прокляти в сии век и в
будущий седмию съборы святых отец вселеньскыих.
17. А та вся дела приказах святей Софии и всему Новугороду моим мужам и 10-ти сочьскыим, Вы блюдите, а не възблюдете и вы сами за то ответ дадите в день страшнаго суда пред лицем царя славы. Аминь...
«Памятники русского права». «Памятники права феодалънораздробленной Руси XII—XV вв» вып. II, М., Госюриздат, 1953, стр. 162—165.
Вопросы:
Какой известный вам документ повторяет формулировка 1 статьи?

<< | >>

↑

Источник: Гапочка С.Н.. ДРЕВНЯЯ РУСЬ IX-XIII ВВ.Учебно - методическое пособие для студентов 1 курса исторического факультета ВГПУ. 2008

Еще по теме 2.1. УСТАВ ВЕЛИКОГО КНЯЗЯ ВСЕВОЛОДА:

- Альтернативная история - Античная история - Архивоведение - Военная история - Всемирная история (учебники) - Деятели России - Деятели Украины - Древняя Русь - Историческая литература - Историческое краеведение - История Востока - История древнего мира - История Казахстана - История наук - История науки и техники - История России (учебники) - История России в начале XX века - История советской России (1917 - 1941 гг.) - История средних веков - История стран Азии и Африки - История стран Европы и Америки - История стран СНГ - История Украины (учебники) - История Франции - Методика преподавания истории - Научно-популярная история - Новая история России (вторая половина ХVI в. - 1917 г.) - Периодика по историческим дисциплинам - Публицистика - Современная российская история - Этнография и этнология -